မြန်မာနိုင်ငံလူငယ်ရေးရာဗဟိုကော်မတီ
မြန်မာနိုင်ငံလူငယ်ရေးရာဗဟိုကော်မတီကို နိုင်ငံတော်စီမံအုပ်ချုပ်ရေးကောင်စီ၏ (၂၄-၆-၂၀၂၂) ရက်စွဲပါ အမိန့်ကြော်ငြာစာအမှတ် (၁၁၁/၂၀၂၂) ဖြင့် အောက်ပါအတိုင်း ဖွဲ့စည်းထားရှိပြီးဖြစ်ပါသည်-
ပြည်ထောင်စုသမ္မတမြန်မာနိုင်ငံတော်
နိုင်ငံတော်စီမံအုပ်ချုပ်ရေးကောင်စီ
အမိန့်ကြော်ငြာစာအမှတ် ( ၁၁၁ /၂၀၂၂ )
၁၃၈၄ ခုနှစ်၊ နယုန်လပြည့်ကျော် ၁၁ ရက်
(၂၀၂၂ ခုနှစ်၊ ဇွန် လ ၂၄ ရက်)
မြန်မာနိုင်ငံလူငယ်ရေးရာဗဟိုကော်မတီ ပြင်ဆင်ဖွဲ့စည်းခြင်း
၁။ လူငယ်များကိုမှန်ကန်သည့်လမ်းကြောင်းပေါ်သို့ ရောက်ရှိစေပြီး နိုင်ငံတော်ကို အကျိုးပြုမည့် နိုင်ငံ့သားကောင်းများ ဖြစ်ပေါ်လာစေရေးအတွက် လူငယ်ရေးရာမူဝါဒအား အကောင်အထည်ဖော် ဆောင်ရွက်ရန် “မြန်မာနိုင်ငံလူငယ်ရေးရာဗဟိုကော်မတီ” ကို အောက်ပါ ပုဂ္ဂိုလ်များဖြင့် ပြင်ဆင်ဖွဲ့စည်း လိုက်သည်-
(က) ပြည်ထောင်စုဝန်ကြီး ဥက္ကဋ္ဌ
အားကစားနှင့်လူငယ်ရေးရာဝန်ကြီးဌာန
( ခ ) ပြည်ထောင်စုဝန်ကြီး ဒုတိယဥက္ကဋ္ဌ (၁)
ပညာရေးဝန်ကြီးဌာန
( ဂ ) ပြည်ထောင်စုဝန်ကြီး ဒုတိယဥက္ကဋ္ဌ (၂)
သိပ္ပံနှင့်နည်းပညာဝန်ကြီးဌာန
(ဃ) ပြည်ထောင်စုဝန်ကြီး ဒုတိယဥက္ကဋ္ဌ (၃)
လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန
( င ) ဒုတိယဝန်ကြီး အဖွဲ့ဝင်
ပြည်ထဲရေးဝန်ကြီးဌာန
( စ ) ဒုတိယဝန်ကြီး အဖွဲ့ဝင်
စီမံကိန်းနှင့်ဘဏ္ဍာရေးဝန်ကြီးဌာန
(ဆ) ဒုတိယဝန်ကြီး အဖွဲ့ဝင်
ပြန်ကြားရေးဝန်ကြီးဌာန
( ဇ ) ဒုတိယဝန်ကြီး အဖွဲ့ဝင်
သာသနာရေးနှင့်ယဉ်ကျေးမှုဝန်ကြီးဌာန
( ဈ ) ဒုတိယဝန်ကြီး အဖွဲ့ဝင်
သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန
(ည) ဒုတိယဝန်ကြီး အဖွဲ့ဝင်
လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန
( ဋ) ဒုတိယဝန်ကြီး အဖွဲ့ဝင်
အလုပ်သမားဝန်ကြီးဌာန
( ဌ ) ဒုတိယဝန်ကြီး အဖွဲ့ဝင်
ကျန်းမာရေးဝန်ကြီးဌာန
( ဍ) ဒုတိယဝန်ကြီး အဖွဲ့ဝင်
တိုင်းရင်းသားလူမျိုးများရေးရာဝန်ကြီးဌာန
( ဎ) ကိုယ်စားလှယ်(၁)ဦး အဖွဲ့ဝင်
မြန်မာနိုင်ငံကင်းထောက်အဖွဲ့
(ဏ) ဥက္ကဋ္ဌ အဖွဲ့ဝင်
မြန်မာနိုင်ငံကြက်ခြေနီအသင်း
(တ) ဒုတိယဝန်ကြီး အတွင်းရေးမှူး
အားကစားနှင့်လူငယ်ရေးရာဝန်ကြီးဌာန
၂။ မြန်မာနိုင်ငံလူငယ်ရေးရာဗဟိုကော်မတီ၏ လုပ်ငန်းတာဝန်များမှာ အောက်ပါအတိုင်းဖြစ်သည်-
(က) လူငယ်ရေးရာမူဝါဒနှင့် အမျိုးသားအဆင့် မဟာဗျူဟာစီမံချက်တွင် ပါရှိသည့် မြန်မာနိုင်ငံလူငယ်ရေးရာဗဟိုကော်မတီက တာဝန်ယူဆောင်ရွက်ရမည့် ကိစ္စရပ်များကို အကောင်အထည်ဖော် ဆောင်ရွက်ရမည်။
( ခ ) နေပြည်တော်ကောင်စီအပါအဝင် တိုင်းဒေသကြီးနှင့်ပြည်နယ်အသီးသီးရှိ လူငယ်ရေးရာကော်မတီများနှင့် ပြည်ထောင်စုအဆင့်ဝန်ကြီးဌာနများ၊ နေပြည်တော်ကောင်စီအပါအဝင် တိုင်းဒေသကြီး သို့မဟုတ် ပြည်နယ်အစိုးရအဖွဲ့များ၊ ပြည်တွင်း/ပြည်ပမှအစိုးရမဟုတ်သော အဖွဲ့အစည်းများအကြား လူငယ်ရေးရာကိစ္စရပ်များနှင့် စပ်လျဉ်း၍ ချိတ်ဆက်ညှိနှိုင်းဆောင်ရွက်ပေးရမည်။
( ဂ ) နေပြည်တော်ကောင်စီ အပါအဝင် တိုင်းဒေသကြီး သို့မဟုတ် ပြည်နယ် ကော်မတီမှ ပေးပို့သော ဆွေးနွေးချက်၊ ဆုံးဖြတ်ချက်များကို တာဝန်ခံမှုဖြင့် မြန်မာနိုင်ငံဗဟို လူငယ်ရေးရာကော်မတီတွင် ဆွေးနွေးတင်ပြရမည်။
၃။ မြန်မာနိုင်ငံလူငယ်ရေးရာဗဟိုကော်မတီကို ပြင်ဆင်ဖွဲ့စည်းရန် လိုအပ်ပါက နိုင်ငံတော်စီမံ အုပ်ချုပ်ရေးကောင်စီရုံး၏ ခွင့်ပြုချက်ဖြင့် ပြင်ဆင်ဖွဲ့စည်းနိုင်သည်။
၄။ နိုင်ငံတော်စီမံအုပ်ချုပ်ရေးကောင်စီရုံး၏ ၁၉.၃.၂၀၂၁ ရက်စွဲပါ အမိန့်ကြော်ငြာစာအမှတ် (၅၈/၂၀၂၁) ကို ဤအမိန့်ကြော်ငြာစာဖြင့် လွှမ်းမိုးပယ်ဖျက်လိုက်သည်။