၂၀၂၄ ခုနှစ်၊ တိုင်းဒေသကြီးနှင့်ပြည်နယ် အမျိုးသား/အမျိုးသမီး ဝူရှူး(ဆန်းဆို)ပြိုင်ပွဲအတွက် ရှမ်းပြည်နယ်အသင်းအောင်နိုင်ရေး စခန်းသွင်းလေ့ကျင့်နိုင်ရန်အတွက် အပြီးသတ်လူရွေးချယ်ပြိုင်ပွဲကျင်းပ
တောင်ကြီး၊ ဖေဖော်ဝါရီလ ၁၃။ ၂၀၂၄ ခုနှစ် ၊ တိုင်းဒေသကြီးနှင့်ပြည်နယ် အမျိုးသား/အမျိုးသမီး ဝူရှူး(ဆန်းဆို)ပြိုင်ပွဲအတွက် ရှမ်းပြည်နယ်အသင်းအောင်နိုင်ရေး စခန်းသွင်းလေ့ကျင့်နိုင်ရန်အတွက် အပြီးသတ်လူရွေးချယ်ပြိုင်ပွဲကျင်းပ မြန်မာ ဝူရှူး(ဆန်းဆို)အားကစားအဆင့်အတန်းတိုးတက်မြင့်မားလာစေရေးနှင့် မျိုးဆက်သစ်ရွက်ပုန်းသီးအားကစားသမားများပေါ်ထွက်လာစေရေးတို့ကိုရည်ရွယ်ပြီး အားကစားနှင့်လူငယ်ရေးရာဝန်ကြီးဌာန ၊ အားကစားနှင့်ကာယပညာဦးစီးဌာန မှ ကျင်းပပြုလုပ်မည့် ၂၀၂၄ ခုနှစ် ၊ တိုင်းဒေသကြီးနှင့်ပြည်နယ်အမျိုးသား/အမျိုးသမီး ဝူရှူး(ဆန်းဆို)ပြိုင်ပွဲကို (၇.၃.၂၀၂၄)ရက်နေ့မှ (၁၁.၃.၂၀၂၄)ရက်နေ့ထိ နေပြည်တော်၌ ကျင်းပပြုလုပ်သွားမည်ဖြစ်ပြီး အဆိုပါပြိုင်ပွဲသို့ ရှမ်းပြည်နယ်ကိုယ်စားပြုအသင်းမှဝင်ရောက်ယှဥ်ပြိုင်နိုင်ရေးနှင့်အောင်မြင်မှုရရှိနိုင်ရေးတို့အတွက် စခန်းသွင်းလေ့ကျင့်နိုင်ရန်အတွက် အပြီးသတ် လူရွေးချယ်ပြိုင်ပွဲကို (၁၃.၂.၂၀၂၄)ရက်နေ့ နံနက်(၀၉း၃၀)နာရီအချိန်တွင် ရွေးချယ်ခဲ့ရာ အဆိုပါလူရွေးချယ်ပွဲသို့ ပြည်နယ်အားကစားနှင့်ကာယပညာဦးစီးဌာန ဒုတိယညွှန်ကြားရေးမှူး ဦးကျော်သူဆွေ ၊ ပြည်နယ်ဝူရှူး(ဆန်းဆို)ဆပ်ကော်မတီအဖွဲ့ဝင်များက တက်ရောက်ကြည့်ရှုအားပေးကာ ၎င်းလူရွေးချယ်ပွဲ၌ မျိုးဆက်သစ်အားကစားသမား စုစုပေါင်း (၃၀)ဦးက ထပ်မံလာရောက်အရွေးချယ်ခံခဲ့ကြကြောင်း သိရှိရပါသည်။
မြန်မာဘော်လီဘောလူမှုရေးအသင်း၏ ပထမအကြိမ် ပြည်နယ်နှင့် တိုင်းဒေသကြီး အမှုဆောင်နှင့် အသင်းဝင်များ၏ ချစ်ကြည်ရေးဘော်လီဘောပြိုင်ပွဲကျင်းပ
မြန်မာဘော်လီဘောလူမှုရေးအသင်း၏ ပထမအကြိမ် ပြည်နယ်နှင့် တိုင်းဒေသကြီး အမှုဆောင်နှင့် အသင်းဝင်များ၏ ချစ်ကြည်ရေးဘော်လီဘော ပြိုင်ပွဲကျင်းပ ရန်ကုန် ၊ ဖေဖေါ်ဝါရီ ၁၀။ ၂၀၂၄ ခုနှစ် မြန်မာဘော်လီဘောလူမှုရေးအသင်း၏ ပထမအကြိမ် ပြည်နယ်နှင့် တိုင်းဒေသကြီး အမှုဆောင်နှင့် အသင်းဝင်များ၏ ချစ်ကြည်ရေးဘော်လီဘောပြိုင်ပွဲ အသက်(၅၀)နှစ်အထက်အမျိုးသား၊ အသက်(၄၅)နှစ်အထက်အမျိုးသမီဘော်လီဘောပြိုင်ပွဲ ဗိုလ်လုပွဲကို ယနေ့မွန်းလွဲ ၁ နာရီက ရန်ကုန်မြို့ အောင်ဆန်းအားကစားပြိုင်၀င်း မိုးလုံလေလုံခန်းမ၌ကျင်းခဲ့သည်။ ပြိုင်ပွဲများအပြီး ဆုပေးပွဲကိုကျင်းပရာ ပထမ၊ ဒုတိယ၊ တတိယနှင့်အမျိုးသား၊ အမျိုးသမီးအကောင်းဆုံးရရှိကြသောအားကစားသမားများအား တိုင်းဒေသကြီး၀န်ကြီးများ၊ တိုင်းဒေသကြီး အားကစားနှင့်ကာယပညာကော်မတီဥက္ကဋ္ဌ၊ ဥပဒေချုပ်၊ အတွင်းရေမှူးနှင့် မြန်မာဘော်လီဘောလူမှုရေးအသင်းဥက္ကဋ္ဌတို့က တစ်ဦးချင်းဆုတံဆိပ်နှင့် ငွေသားဆုများချီးမြှင့်ကြသည်။ ထို့နောက် ရန်ကုန်တိုင်းဒေသကြီး အားကစားနှင့်ကာယပညာကော်မတီနာယက၊ တိုင်းဒေသကြီးဝန်ကြီးချုပ်ဦးစိုးသိန်းကတံခွန်စိုက်ဆုဖလားရရှိသွားသောရန်ကုန်တိုင်းဒေသကြီး (B)အသင်းအား ငွေသားဆုနှင့် ဆုဖလားချီးမြှင့်သည်။ ယင်းပြိုင်ပွဲကို မျိုးဆက်သစ်အားကစားသမားများပေါ်ထွက်ရန် ရည်ရွယ်ပြီး ကျင်းပခဲ့ခြင်းဖြစ်ပြီး […]
အားကစားနှင့်လူငယ်ရေးရာဝန်ကြီးဌာန၊ ပြည်ထောင်စုဝန်ကြီး ဦးမင်းသိန်းဇံ လူငယ်အလုပ်ရုံ ဆွေးနွေးပွဲသို့ တက်ရောက်သည့်သတင်း
အားကစားနှင့်လူငယ်ရေးရာဝန်ကြီးဌာန၊ ပြည်ထောင်စုဝန်ကြီး ဦးမင်းသိန်းဇံ လူငယ်အလုပ်ရုံ ဆွေးနွေးပွဲသို့ တက်ရောက်သည့်သတင်း
မကွေးတိုင်းဒေသကြီး ဝန်ကြီးချုပ် ဦးတင့်လွင် ဒီဇင်ဘာအားကစားလ (တတိယပတ်)လူထု စုပေါင်းလမ်းလျှောက်ပွဲ ပါဝင်ဆင်နွဲ
မကွေးတိုင်းဒေသကြီး ဝန်ကြီးချုပ် ဦးတင့်လွင် ဒီဇင်ဘာအားကစားလ (တတိယပတ်)လူထု စုပေါင်းလမ်းလျှောက်ပွဲ ပါဝင်ဆင်နွဲ မကွေး၊ ဒီဇင်ဘာ ၁၆။ တစ်မျိုးသားလုံးကျန်းမာကြံ့ခိုင်ရေး၊ ပြည်သူလူထု ကျန်းမာကြံ့ခိုင်စေရန်၊ ရောဂါကြိုတင်ကာကွယ်နိုင်ရန်နှင့် သက်တမ်းစေ့နေနိုင်ရန်၊ အမျိုးသားအားကစားအဆင့်အတန်း တိုးတက်မြင့်မားရေးနှင့် ပြည်သူလူထုပါဝင်သည့် အားစားလှုပ်ရှားမှုများ ပိုမိုဆောင်ရွက်လာနိုင်စေရန် ရည်ရွယ်၍ ဒီဇင်ဘာလူထုအားကစား စုပေါင်းလမ်းလျှောက်ပွဲများကို နိုင်ငံတစ်ဝန်းတွင် ကျင်းပလျက်ရှိသည့်နည်းတူ မကွေးတိုင်းဒေသကြီး ဒီဇင်ဘာအားကစားလ လူထုစုပေါင်းလမ်းလျှောက်ပွဲကို ယနေ့နံနက် ၅ နာရီခွဲက မကွေးတိုင်းဒေသကြီး ကန်သာမင်္ဂလာကန်တော်၌ ကျင်းပရာ စုပေါင်းလမ်းလျှောက်ပွဲသို့ မကွေးတိုင်းဒေသကြီး ဝန်ကြီးချုပ် ဦးတင့်လွင်၊ တိုင်းဒေသကြီး ဝန်ကြီးများ၊ တိုင်း၊ ခရိုင်၊ မြို့နယ် ဌာနဆိုင်ရာ ဝန်ထမ်းများ၊ တက္ကသိုလ်/ဒီဂရီ ကောလိပ်များမှဆရာ/ဆရာမများ၊ ကျောင်းသား ကျောင်းသူများနှင့် ပြည်သူများ အေးချမ်းပျော်ရွှင်စွာ ပါဝင်ဆင်နွှဲကြသည်။ ရှေးဦးစွာ တိုင်းဒေသကြီး ဝန်ကြီးချုပ်က […]