၂၀၂၃ ခုနှစ်၊ အာရှသက်ငယ်တန်းအားကစားပြိုင်ပွဲ (Asia Junior Sports Exchange Games 2023)သို့ မြန်မာအားကစားအဖွဲ့ထွက်ခွာ
ရန်ကုန်၊ ဩဂုတ်လ(၂၂)ရက်။
၂၀၂၃ ခုနှစ်၊ ဩဂုတ်လ(၂၃)ရက်နေ့မှ (၂၉)ရက်နေ့အထိ ဂျပန်နိုင်ငံ၊ တိုကျိုမြို့တွင် ကျင်းပပြုလုပ်မည့် ၂၀၂၃ ခုနှစ်၊ အာရှသက်ငယ်တန်းအားကစားပြိုင်ပွဲ (Asia Junior Sports Exchange Games 2023)သို့ မြန်မာအားကစားအဖွဲ့ခေါင်းဆောင် အားကစားနှင့်လူငယ်ရေးရာဝန်ကြီးဌာန ၊ အားကစားနှင့်ကာယပညာဦးစီးဌာန ညွှန်ကြားရေးမှူးဦးဌေးအောင်နှင့် မြန်မာအားကစားအဖွဲ့သည် ယနေ့ည(၁၉း၀၀)နာရီအချိန်၌ လေယာဉ်အမှတ် TG- 304 ဖြင့် ရန်ကုန်အပြည်ပြည်ဆိုင်ရာ လေဆိပ်မှထွက်ခွာရာ အားကစားနှင့်ကာယပညာဦးစီးဌာန၊ အားကစားနှင့်ကာယပညာသိပ္ပံ(ရန်ကုန်) ကျောင်းအုပ်ကြီး ညွှန်ကြားရေးမှူး ဦးအောင်နိုင်ဆွေ၊ ရန်ကုန်တိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေးမှူး ဦးအောင်မိုး၊ မြန်မာနိုင်ငံစားပွဲတင်တင်းနစ်အဖွဲ့ချုပ်ဥက္ကဌ ဦးကျော်ကျော်နှင့်တာဝန်ရှိသူတို့က လိုက်လံပို့ဆောင်နှုတ်ဆက်ခဲ့ကြသည်။
အဆိုပါ အားကစားအဖွဲ့တွင် အသင်းအုပ်ချုပ်သူ မြန်မာနိုင်ငံကြက်တောင်အဖွဲ့ချုပ်မှ ဒုတိယဥက္ကဌ ဦးထွန်းထွန်းဦးနှင့် နည်းပြ(၁)တစ်ဦး၊ စားပွဲတင် တင်းနစ် အားကစားနည်းမှ နည်းပြ(၁)ဦး၊ အားကစားသမား(၆)ဦး ၊ ကြက်တောင်အားကစားနည်းမှ နည်းပြ(၂)ဦး၊ အားကစားသမား(၆)ဦး ၊ မသန်စွမ်း စားပွဲတင်တင်းနစ်အားကစားနည်းမှ နည်းပြ(၁)ဦး၊ အားကစားသမား(၁)ဦးနှင့် မသန်စွမ်းကြက်တောင်အားကစားနည်းမှ နည်းပြ (၁)ဦး၊ အားကစားသမား(၁)ဦး စုစုပေါင်း(၂၁)ဦးတို့ လိုက်ပါသွားကြောင်းသိရှိရသည်။
