အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးဉာဏ်ဇော်ဦး ဌာနခွဲများအလိုက် ညွှန်ကြားရေးမှူးများနှင့် ပထမ(၆)လပတ် ကြိုတင်လုပ်ငန်းညှိနှိုင်း အစည်းအဝေးကျင်းပ
အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးဉာဏ်ဇော်ဦးသည် ဌာနခွဲများ အလိုက် ညွှန်ကြားရေးမှူးများနှင့် ပထမ(၆)လပတ် ကြိုတင်လုပ်ငန်းညှိနှိုင်း အစည်းအဝေးကို ယနေ့ နံနက်ပိုင်းတွင် နေပြည်တော်၊ ရုံးအမှတ်(၃၁)ရှိ စုပေါင်းအစည်းအဝေးခန်းမ၌ ကျင်းပခဲ့ရာ အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးဉာဏ်ဇော်ဦး၊ ဒုတိယညွှန်ကြားရေးမှူးချုပ် များဖြစ်ကြသည့် ဦးကျော်ဦး၊ ဦးကျော်ဆန်းဦးနှင့် ဦးကျော်ဇင်မိုး၊ ဦးစီးဌာန(ရုံးချုပ်)ဌာနခွဲများမှ ညွှန်ကြားရေးမှူးများနှင့် တိုင်းဒေသကြီးနှင့်ပြည်နယ် အားကစားနှင့်ကာယပညာဦးစီးဌာနမှ ညွှန်ကြားရေးမှူးများနှင့် အားကစားနှင့်ကာယပညာ(သိပ္ပံ) ကျောင်းအုပ်ကြီးများတက်ရောက်ခဲ့ကြောင်း သိရသည်။
ဦးစွာ ညွှန်ကြားရေးမှူးချုပ်က အမှာစကားပြောကြားရာတွင် လုပ်ငန်းများမြန်မြန်ဆန်ဆန် ပြီးမြောက်အကောင်အထည်ဖော်ဆောင်ရွက်နိုင်ရန် အချိန်နှင့်တစ်ပြေးညီ ဖြေရှင်းဆောင်ရွက် ပေးလျက်ရှိကြောင်း၊ အားကစားကဏ္ဍ ဖွံ့ဖြိုးတိုးတက်စေရေး၊ သင်တန်းသားရွေးချယ်မှု၊ လေ့ကျင့်မှုနှင့် ပညာသင်ကြားမှုကိစ္စရပ်များတွင် တာဝန်ရှိသူများက ကိုယ်စွမ်းဉာဏ်စွမ်းရှိသမျှ ပိုမိုအားထည့် ဆောင်ရွက်ပေးသွားရန်လိုကြောင်း၊ မျိုးဆက်သစ်အားကစားများမွေးထုတ်ပေးနိုင်ရေးနှင့် ဝန်ကြီးဌာန ၏ လုပ်ငန်းတာဝန်များကို အဆင်ပြေချောမွေ့စွာဖြင့် အောင်မြင်အောင် ပေါင်းစပ်ညှိနှိုင်း ဆောင်ရွက် နိုင်စေရေးတို့အတွက် ရည်ရွယ်၍ ကျင်းပပြုလုပ်ခြင်းဖြစ်ကြောင်း၊ ပြည်ထောင်စုဝန်ကြီးနှင့် ကျင်းပ ပြုလုပ်မည့် ပထမ(၆)လပတ် လုပ်ငန်းညှိနှိုင်းအစည်းအဝေးတွင် အချိန်ကန့်သတ်ချက်အရ လုပ်ငန်း ဆောင်ရွက်နေမှု အခြေအနေများကို ထိထိရောက်ရောက်ဖြင့် လိုရင်းတိုရှင်းသာ တင်ပြပေးသွားရန် ပြောကြားခဲ့သည်။
ဆက်လက်ပြီး အစည်းအဝေးသို့ တက်ရောက်လာကြသူများက အားကစားကဏ္ဍဖွံ့ဖြိုးတိုးတက် စေရေးအတွက် မျိုးဆက်သစ်အားကစားသမားမွေးထုတ်ပေးနိုင်မှုအခြေအနေများ၊ အားကစားပြိုင်ပွဲ များ ကျင်းပပေးနိုင်မှုနှင့် ဝင်ရောက်ယှဉ်ပြိုင်ခဲ့မှုအခြေအနေများ၊ တည်ဆောက်ရေးပိုင်းဆိုင်ရာကိစ္စ ရပ်များ၊ ပထမ(၆)လပတ်အတွင်း လုပ်ငန်းဆောင်ရွက်ပြီးစီးခဲ့မှုအခြေအနေများ၊ ဆက်လက်ဆောင်ရွက် သွားမည့် လုပ်ငန်းအစီအမံများနှင့် ပတ်သက်ပြီး အသီးသီး တင်ပြဆွေးနွေးခဲ့ကြရာ တင်ပြချက်များ အပေါ် ဒုတိယညွှန်ကြားရေးမှူးချုပ်များက သက်ဆိုင်ရာကဏ္ဍများအလိုက် လိုအပ်သည်များကို ဖြည့်စွက် ဆွေးနွေး ပြောကြားခဲ့ပြီးနောက် ညွှန်ကြားရေးမှူးချုပ်က လာမည့်(၃၃)ကြိမ်မြောက် အရှေ့တောင်အာရှ အားကစားပြိုင်ပွဲ အောင်နိုင်ရေးအတွက် သက်ဆိုင်ရာကဏ္ဍများအလိုက် ဝိုင်းဝန်းပူးပေါင်းဆောင်ရွက် ပေးသွားရန်လိုကြောင်း၊ အားကစားကဏ္ဍ ဖွံ့ဖြိုးတိုးတက်စေရေးနှင့် ဝန်ကြီးဌာန၏ လုပ်ငန်းတာဝန် များ အဆင်ပြေချောမွေ့စွာဖြင့် အကောင်အထည်ဖော်ဆောင်ရွက်နိုင်စေရေးတို့အတွက် လိုအပ်သည် များကို ပေါင်းစပ်ဖြည့်ဆည်း ညှိနှိုင်းဆောင်ရွက်ပေးခဲ့ပြီး အစည်းအဝေးအား ရုပ်သိမ်းခဲ့ကြောင်း သိရသည်။
