ME&GEMS အငယ်တန်း ချန်ပီယံရှစ် ကြက်တောင်ပြိုင်ပွဲကျင်းပ
ရန်ကုန် ၊ ဒီဇင်ဘာ (၂၂)ရက်။
အားကစားနှင့်ကာယပညာဦးစီးဌာနနှင့် မြန်မာနိုင်ငံကြက်တောင်အဖွဲ့ချုပ်တို့ ပူးပေါင်းကျင်းပသည့် ME&GEMS အငယ်တန်းချန်ပီယံရှစ်ကြက်တောင်ပြိုင်ပွဲ (ME&GEMS BADMINTON JUNIOR CHAMPIONSHIPS -2024) ကို ဒီဇင်ဘာ၂၂ရက်က ရန်ကုန်မြို့ ၊ လမ်းမတော်မြို့နယ်အမျိုးသားကြက်တောင်အားကစားခန်းမ၌ နံနက် ၉ နာရီအချိန်၌စတင် ကျင်းပရာအားကစားသမား ၇၀၀ ကျော် ဝင်ရောက်ယှဉ်ပြိုင်ခဲ့ကြပါသည်။
အဆိုပါပြိုင်ပွဲတွင်အသက်၉နှစ်အောက်၊ ၁၁နှစ်အောက် ၊ ၁၃နှစ်အောက် ၊ ၁၅နှစ်အောက် ၊ ၁၇နှစ်အောက် ၊ ၁၉နှစ်အောက် အမျိုးသား ၊ အမျိုးသမီးတစ်ဦးချင်း ၊ နှစ်ယောက်တွဲ ၊ အမျိုးသား + အမျိုးသမီးနှစ်ယောက်တွဲများ ၊ ပွဲစဉ်ပေါင်း (၃၁၃)ပွဲ ယှဉ်ပြိုင်ကစားကြမည်ဖြစ်ပါသည်။
ယင်းပြိုင်ပွဲ၌ပြည်နယ်နှင့်တိုင်းဒေသကြီးမှအားကစားသမားများ၊ ကလပ်ပေါင်းစုံမှ အားကစားသမားများ စုစုပေါင်း (၇၄၈)ဦး ၀င်ရောက်ယှဉ်ပြိုင်ခဲ့ကြပြီး ပြိုင်ပွဲကို ဒီဇင်ဘာ၂၅ ရက်အထိ ကျင်းပမည်ဖြစ်ကြောင်းသိရှိရသည်။
