7th World Vovinam Championships ပြိုင်ပွဲတွင် အောင်ပွဲရ မြန်မာဗိုဗီနမ်အားကစားအဖွဲ့အား ရန်ကုန်အပြည်ပြည်ဆိုင်ရာ လေဆိပ်၌ ကြိုဆို၊ ရွှေတံဆိပ်(၂)ခု၊ ငွေတံဆိပ်(၃)ခု၊ ကြေးတံဆိပ်(၉)ခုရရှိ
ရန်ကုန်၊ဒီဇင်ဘာလ(၂)ရက်။
၂၀၂၃ ခုနှစ်၊ နိုဝင်ဘာလ (၂၅)ရက်နေ့မှ (၃၀)ရက်နေ့အထိ ဗီယက်နမ်ဆိုရှယ်လစ်သမ္မတနိုင်ငံ၊ ဟိုချီမင်းမြို့တွင် ကျင်းပပြုလုပ်ခဲ့သည့် 7th World Vovinam Championships ပြိုင်ပွဲသို့ ဝင်ရောက်ယှဉ်ပြိုင်ခဲ့သော မြန်မာဗိုဗီနမ်အားကစားအဖွဲ့သည် ယနေ့ည(၁၀:၅၀)နာရီအချိန်တွင် ရန်ကုန်အပြည်ပြည်ဆိုင်ရာလေဆိပ်သို့ ပြန်လည်ရောက်ရှိလာရာ ရန်ကုန်တိုင်းဒေသကြီး အားကစားနှင့်ကာယပညာကော်မတီဥက္ကဌ တိုင်းဒေသကြီးဥပဒေချုပ်ဦးဌေးအောင် ၊ အားကစားနှင့်လူငယ်ရေးရာဝန်ကြီးဌာန၊အားကစားနှင့်ကာယပညာဦးစီးဌာန ဒုတိယညွှန်ကြားရေးမှူးချုပ်ဦးကျော်ဆန်းဦး၊ အားကစားနှင့်ကာယပညာ ဦးစီးဌာန ၊ အားကစားနှင့်ကာယပညာသိပ္ပံ(ရန်ကုန်)ကျောင်းအုပ်ကြီး ညွှန်ကြားရေးမှူး ဦးထွန်းထွန်းဦး ၊ ရန်ကုန်တိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေးမှူး ဦးကျော်မင်းသန်းနှင့် တာဝန်ရှိပုဂ္ဂိုလ်များ ၊ မြန်မာနိုင်ငံဗိုဗီနမ်အဖွဲ့ချုပ်ဥက္ကဌဦးရဲမြင့်နှင့်အမှူဆောင်များ၊ တာဝန်ရှိသူများ အားကစားနှင့်ကာယပညာသိပ္ပံ(ရန်ကုန်)ကျောင်းမှ ကျောင်းသား/ကျောင်းသူများ မိဘ/ဆွေမျိုးများက ပန်းစည်းများဖြင့် ဝမ်းပန်းတသာကြိုဆိုကြပါသည်။
အဆိုပါ ပြန်လည်ရောက်ရှိလာသည့် အောင်ပွဲရ မြန်မာဗိုဗီနမ်အားကစားအဖွဲ့တွင် Pair Machete Form Male ပြိုင်ပွဲတွင် အောင်ခိုင်လင်းနှင့် ဟိန်းထက်အောင် အတွဲတို့က ရွှေတံဆိပ်(၁)ခု ၊ ၅၁ကီလိုတန်း (အတိုက်)ပြိုင်ပွဲတွင် နှင်းသက်ဝေက ရွှေတံဆိပ်(၁)ခု၊ Four Element Staff Form ပြိုင်ပွဲတွင် တင်ထူးဇော်က ငွေတံဆိပ်(၁)ခု ၊ 3 Male, 3 Female ပြိုင်ပွဲတွင် တင်ထူးဇော် ၊ကျော်သူစိုးအောင် ၊ ဟိန်းထက်အောင် ၊ ချစ်နိုဒီဆောင်း ၊ မေဟန်နီအောင်လွင် ၊ အိန္ဒြေဖူး တို့က ငွေတံဆိပ်(၁)ခု ၊ Ying Yang Sword Form Female ပြိုင်ပွဲတွင် မေဟန်နီအောင်လွင်က ငွေတံဆိပ်(၁)ခု ၊ ၅၄ ကီလိုတန်း(အတိုက်)ပြိုင်ပွဲတွင် မင်းမင်းထိုက်က ကြေးတံဆိပ်(၁)ခု ၊ Female Self Defense (အပြ)ပြိုင်ပွဲတွင် အောင်ခိုင်လင်း ၊ ချစ်နိုဒီဆောင်းအတွဲတို့က ကြေးတံဆိပ်(၁)ခု ၊ Pair Sword Form Male ပြိုင်ပွဲတွင် တင်ထူးဇော် ၊ ကျော်သူစိုးအောင် အတွဲတို့က ကြေးတံဆိပ်(၁)ခု၊ Ying Yang Sword Form Male ပြိုင်ပွဲတွင် ဟိန်းထက်အောင်က ကြေးတံဆိပ်(၁)ခု၊ Male Ying Yang Sword Form Team 4 ပြိုင်ပွဲတွင်အောင်ခိုင်လင်း ဟိန်းထက်အောင် ၊ ကျော်သူစိုးအောင်၊ တင်ထူးဇော်အတွဲတို့က ကြေးတံဆိပ်(၁)ခု၊Male multiple training -01male athlete defends against 03others with wespon ပြိုင်ပွဲတွင် အောင်ခိုင်လင်း၊ဟိန်းထက်အောင်၊ ကျော်သူစိုးအောင်၊ တင်ထူးဇော်အတွဲတို့က ကြေးတံဆိပ်(၁)ခု ၊ Cross form female ပြိုင်ပွဲတွင် ချစ်နိုဒီဆောင်း က ကြေးတံဆိပ်(၁)ခု ၊ One female athlete defense against 3 male athlete with weaponပြိုင်ပွဲတွင် မေဟန်နီအောင်လွင်၊ အောင်ခိုင်လင်း၊ တင်ထူးဇော်၊ ကျော်သူစိုးအောင်တို့က ကြေးတံဆိပ်(၁)ခု ၊Pair knife form male ပြိုင်ပွဲတွင် အောင်ခိုင်လင်းနှင့်ဟိန်းထက်အောင်အတွဲတို့က ကြေးတံဆိပ်(၁)ခု ဆွတ်ခူးရရှိခဲ့ကြကြောင်းသိရှိရသည်။
