၂၀၂၄ခုနှစ်၊ပဉ္စမအကြိမ်အမျိုးသားအားကစားပွဲတော်ပြည်နယ်နှင့်တိုင်းဒေသကြီးအဆင့် ကရာတေးအားကစားနည်း၏ အားကစားပြိုင်ပွဲအားကစားအသင်းမန်နေဂျာများအစည်းအဝေးဆက်လက်ကျင်းပ
နေပြည်တော်၊ဒီဇင်ဘာ၁၅
ပဉ္စမအကြိမ်အမျိုးသားအားကစားပွဲတော်တွင်ပါဝင်သည့်ပြည်နယ်နှင့်တိုင်းဒေသကြီးအဆင့် ကရာတေးအားကစားနည်း၏အသင်းမန်နေဂျာများအစည်းအဝေးကိုယနေ့နံနက်ပိုင်းတွင်အမှတ်(၃)၊စစ်ကြောရေးနှင့်တည်းခိုရေးစခန်း(ရွာတော်)၌ကျင်းပခဲ့သည်။ပြိုင်ပွဲတွင်ပါဝင်ယှဉ်ပြိုင်ကြသည့်အသင်းများမှအားကစားသမားများသည်ကြိုတင်ဖြန့်ဝေအသိပေးထားသောစည်းမျဉ်း/စည်းကမ်းများနှင့်ကိုက်ညီမှုရှိ/မရှိစိစစ်ပြီးနောက်ပြိုင်ပွဲကျင်းပရေးဆိုင်ရာကိစ္စရပ်များကိုညှိနှိုင်းဆွေးနွေးခဲ့ကြသည်။
ပြည်နယ်နှင့်တိုင်းဒေသကြီးအဆင့် ကရာတေးပြိုင်ပွဲတွင်ကျား(၁၄)သင်း၊ မ(၁၄)သင်းပါဝင်ယှဉ်ပြိုင်ကြမည်ဖြစ်ပြီးပြိုင်ပွဲများကိုဒီဇင်ဘာလ (၁၆)ရက်နေ့မှ (၁၈)ရက်နေ့ထိTC-1 ၌ ကျင်းပသွားမည်ဖြစ်ကြောင်းသိရသည်။
