ရပ်စောက်မြို့နယ်၌ လူငယ်ရေးရာ အသိပညာပေးဟောပြောပွဲပြုလုပ်ကျင်းပ
ရပ်စောက်၊ ဇွန်လ(၄)ရက်။
အားကစားနှင့်လူငယ်ရေးရာဝန်ကြီးဌာန ၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ၊ အခြေခံပညာဦးစီးဌာနတို့ ပူးပေါင်းကျင်းပသော လူငယ်ရေးရာအသိပညာပေးဟောပြောပွဲ၊ အားကစား ပစ္စည်း ပေးအပ်ဆောင်ရွက်ခြင်းနှင့် အားကစားအမှတ်တရ အင်္ကျီများပေးအပ်ခြင်းကို ယနေ့ နံနက်(၁၀:၀၀)နာရီက ရပ်စောက်မြို့နယ်၊ အ.ထ.က (ခွဲ) လှည်းဒိုးကျောင်း ၌ ပြုလုပ်ခဲ့ပါသည်။
ရှေးဦးစွာ မြို့နယ်ပညာရေးမှူးရုံးမှ ဒုဦးစီး(ကာယ) ဒေါ်အမာကြူမှ အဖွင့်အမှာစကားပြောကြားခြင်း၊ အားကစားနှင့်လူငယ်ရေးရာဝန်ကြီးဌာန၊ ရပ်စောက်မြို့နယ်အားကစားနှင့်ကာယပညာဦးစီးဌာန၊ လူငယ်ရေးရာကော်မတီ အတွင်းရေးမှူး၊ ရပ်စောက်မြို့နယ်အားကစားမှူး ဦးမြတ်သူက လူငယ်နှင့်အားကစား ခေါင်းစဉ်ဖြင့် အသိပညာပေးဟောပြောခြင်း ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဒု-ဦးစီး ဒေါ်ငြိမ်းမွန်မွန်မှ မူးယစ်ဆေးဝါးနှင့် တားဆီးကာကွယ်ရေး အသိပညာပေး ဟောပြောခဲ့ပါသည်။
ထို့နောက် အထက(ခွဲ)လှည်းဒိုး ကျောင်းအုပ်ဆရာမကြီး ဒေါ်ယုယုလှိုင်နှင့် အမေးအဖြေကဏ္ဍ အဖြေမှန်သူ ကျောင်းသား/သူများအား ရပ်စောက်မြို့နယ် အားကစားမှူးမှ အားကစားပစ္စည်း ဘော်လီဘော ဘောလုံးနှင့် အမှတ်တရလက်ဆောင် အားကစားအင်္ကျီများပေးအပ်ခဲ့ကာ အဆိုပါ လူငယ်ရေးရာဟောပြောပွဲ အခမ်းအနား တွင် ဆရာ/မ နှင့် ကျောင်းသား/ကျောင်းသူ(၂၁၅)ဦးခန့် တက်ရောက်ခဲ့ပါသည်။
