ပဲခူးတိုင်းဒေသကြီး အားကစားခန်းမ၌ လူငယ်ရေးရာအသိပညာပေး ဟောပြောပွဲကျင်းပ
ပဲခူး၊ မတ်(၂၅)။
ပြန်ကြားရေးဝန်ကြီးဌာန၊ ပညာရေးဝန်ကြီးဌာနနှင့် အားကစားနှင့်လူငယ်ရေးရာဝန်ကြီးဌာနတို့ ပူးပေါင်းပြီးလူငယ်များအနေဖြင့် ကျန်းမာကြံ့ခိုင်လာစေရန်၊ အရည်အချင်းပြည့်ဝလာစေရန်၊ ဉာဏ်ပညာထက်မြက်လာစေရန်၊ လူမှုပေါင်းသင်းဆက်ဆံရေးကောင်းမွန်လာစေရန်နှင့် ကာယဗလ၊ ဉာဏ်ဏဗလ၊ စာရိတ္တဗလ၊ မိတ္တှဗလ၊ ဘောဂဗလဆိုသည့် ဗလငါးတန်ပြည့်ဝစေပြီး ဘက်စုံအရည်အသွေးမြင့်မားသည့် လူငယ်လူရွယ်များဖြစ်လာစေရေးကို အထူးအလေးထားပြုစုပျိုးထောင်ပေးရန်နှင့် နိုင်ငံတော်၏ လူ့စွမ်းအားအရင်းအမြစ်ဖွံ့ဖြိုးတိုးတက်ရေးနှင့် လူငယ်များဖွံ့ဖြိုးတိုးတက်စေရန်ရည်ရွယ်၍ လူငယ်ရေးရာအသိပညာပေးဟောပြောပွဲကို၂၅.၃.၂၀၂၂ ရက်နေ့တွင် ပဲခူးတိုင်းဒေသကြီးအားကစားခန်းမ၌ ကျင်းပပြုလုပ်ခဲ့ရာအားကစားနှင့်လူငယ်ရေးရာဝန်ကြီးဌာန၊ ညွှန်ကြားရေးမှူးဦးမြင့်ခိုင်၊ ပြန်ကြားရေးဝန်ကြီးဌာန၊ ခရိုင်လက်ထောက်ညွှန်ကြားရေးမှူး ဒေါ်ယဉ်ယဉ်နု၊ ပညာရေးဝန်ကြီးဌာန၊ ဒုတိယမြို့နယ်ပညာရေးမှူး ဦးမျိုးဇော်သန်းတို့မှ လူငယ်နှင့်အားကစားကဏ္ဍ၊လူငယ်နှင့်ကျန်းမာရေးကဏ္ဍ၊ လူငယ်နှင့်သဘာဝပတ်ဝန်းကျင်ကဏ္ဍ၊ လူငယ်နှင့်မူးယစ်ဆေးဝါးသုံးစွဲမှုကဏ္ဍနှင့် လူငယ်နှင့်ပညာရေးကဏ္ဍများကို အသီးသီးဟောပြောဆွေးနွေးခဲ့ပါသည်။
