ပြည်ထောင်စုဝန်ကြီး Jeng Phang နော်တောင် ကချင်ပြည်နယ်အတွင်းရှိ ဟိုတယ်နှင့်တည်းခို ရိပ်သာများမှ လုံခြုံရေးဝန်ထမ်းများ၏ စွမ်းဆောင်ရည်မြှင့်တင်ရန် မြန်မာ့ရိုးရာသိုင်းသင်တန်းဖွင့်ပွဲနှင့် ဝန်ထမ်းများအားတွေ့ဆုံပွဲအခမ်းအနားများတက်ရောက်

ပြည်ထောင်စုဝန်ကြီး Jeng Phang နော်တောင် ကချင်ပြည်နယ်အတွင်းရှိ ဟိုတယ်နှင့်တည်းခို ရိပ်သာများမှ လုံခြုံရေးဝန်ထမ်းများ၏ စွမ်းဆောင်ရည်မြှင့်တင်ရန် မြန်မာ့ရိုးရာသိုင်းသင်တန်းဖွင့်ပွဲနှင့် ဝန်ထမ်းများအားတွေ့ဆုံပွဲအခမ်းအနားများတက်ရောက်

မြစ်ကြီးနား၊ နိုဝင်ဘာလ ၂၇ ရက်

ဟိုတယ်နှင့်ခရီးသွားလာရေးဝန်ကြီးဌာနမှ ကချင်ပြည်နယ်အတွင်းရှိ ဟိုတယ်နှင့်တည်းခို ရိပ်သာများမှ လုံခြုံရေးဝန်ထမ်းများ၏ စွမ်းဆောင်ရည်မြှင့်တင်ရန် မြန်မာ့ရိုးရာသိုင်းသင်တန်းဖွင့်ပွဲ အခမ်းအနားကို ယနေ့နံနက်(၁၀:၀၀)နာရီအချိန်က မြစ်ကြီးနားမြို့ စီတာပူရပ်ကွက်ရှိ PalmSpring Hotel၌ ကျင်းပပြုလုပ်ခဲ့ပါသည်။

အဆိုပါ သင်တန်းဖွင့်ပွဲအခမ်းအနားသို့ အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီးဌာန ပြည်ထောင်စုဝန်ကြီး Jeng Phang နော်တောင်၊ ဟိုတယ်နှင့်ခရီးသွားလာရေးဝန်ကြီးဌာန ဒုတိယအမြဲတမ်းအတွင်းဝန် ဦးမျိုးဝင်းညွန့်နှင့် ပြည်နယ်ညွှန်ကြားရေးမှူးများ၊ ဟိုတယ်ဆိုင်ရာလုပ်ငန်းရှင်များ တက်ရောက် ခဲ့ကြပါသည်။

ဖွင့်ပွဲအခမ်းအနားတွင် ပြည်ထောင်စုဝန်ကြီး Jeng Phang နော်တောင်က နိုင်ငံတော်အစိုးရ အနေနဲ့လည်း မြန်မာ့ရိုးရာယဉ်ကျေးမှု အမွေအနှစ်များကိုအလေးထား ထိန်းသိမ်းစောင့်ရှောက် ပေးလျက်ရှိပြီး ယခုကဲ့သို့ မြန်မာ့ရိုးရာသိုင်းပညာကို ထိန်းသိမ်းစောင့်ရှောက်ခြင်းကြောင့် ယဉ်ကျေးမှုနဲ့လုံခြုံရေးကဏ္ဍနှစ်ရပ်လုံးကို ခေတ်အဆက်ဆက် လက်ဆင့်ကမ်းခဲ့တဲ့ အမွေအနှစ် ယဉ်ကျေးမှုများဖြစ်သည့်အတွက် လက်တွေ့အသုံးချဆောင်ရွက်ခြင်းဖြင့် နိုင်ငံရဲ့ လူမှုရေး၊ စီးပွားရေးနဲ့ တိုင်းပြည်ရဲ့ ဂုဏ်သိက္ခာတိုးတက်ဖို့ ဆောင်ရွက်နိုင်မှာဖြစ်ကြောင်း ယနေ့သိုင်းပညာကို အခြေခံပြီး ဟိုတယ်များရှိ လုံခြုံရေးဝန်ထမ်းများရဲ့ စွမ်းရည်ကနေတစ်ဆင့် ကမ္ဘာလှည့် ခရီးသည်များကို မြန်မာနိုင်ငံဟာ လုံခြုံစိတ်ချရပြီး ဖော်ရွေပျူငှာတဲ့ တိုင်းပြည်ဖြစ်ကြောင်း ခိုင်မာတဲ့ သတင်းစကားပါးခြင်းဖြင့် ခရီးသွားဧည့်သည်များရဲ့ ယုံကြည် စိတ်ချမှုရရှိနိုင်ပြီး ဧည့်သည်များပိုမိုဝင်ရောက်လာနိုင်မှာလည်းဖြစ်ပါတယ်။ ဒီသင်တန်းကို အခြေခံပြီးသက်ဆိုင်ရာ အခြားဒေသတွေမှာလည်း ဖွင့်လှစ်ဆာင်ရွက်သွားနိုင်ရေး အကြံပြု လိုကြောင်း ပြောကြားခဲ့ပြီး နောက် အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့် ခရီးသွားလာရေးဝန်ကြီးဌာနတို့မှ ဝန်ထမ်းများနှင့် တွေ့ဆုံပွဲအခမ်းအနားကို ကချင်ပြည်နယ်အားကစားနှင့်ကာယပညာဦးစီးဌာန ပြည်နယ်ရုံးအပေါ်ထပ် အစည်းအဝေးခန်းမတွင် ဆက်လက်ကျင်းပပြုလုပ်ခဲ့သည်။

အဆိုပါတွေ့ဆုံပွဲအခမ်းအနားတွင် ပြည်ထောင်စုဝန်ကြီး Jeng Phang နော်တောင်က ဝန်ထမ်းများအား ရုံးလုပ်ငန်းစည်းမျဉ်းစည်းကမ်းများနှင့် အမိန့်ညွှန်ကြားချက်များအား လိုက်နာရန် ဝန်ထမ်းများ ထက်/အောက်အပြန်အလှန်လေးစားမှုရှိရန်၊ ရာထူးတိုးမြှင့်ရေးကိစ္စနှင့် ပြောင်းရွေ့ ကိစ္စရပ်များအား လုပ်ထုံးလုပ်နည်းနှင့်အညီ စနစ်တကျ တင်ပြဆောင်ရွက်ရန်၊ ပြည်နယ်၏ အားကစားအဆင့်အတန်းတိုးတက်မြင့်မားစေရေးလုပ်ငန်းများနှင့် ဒေသတွင်း ခရီးသွားလုပ်ငန်း ဖွံ့ဖြိုးတိုးတက်ရေးလုပ်ငန်းများအား တက်ညီလက်ညီ ကြိုးပမ်း အကောင်အထည်ဖော်ဆောင်ရွက် သွားရန်လမ်းညွှန်မှာကြားခဲ့ကြောင်းသိရှိရသည်။