အားကစားနှင့်လူငယ်ရေးရာဝန်ကြီးဌာန

Loading

PENANE INVITATIONAL JICA JUDO CHAMPIONSHIP 2025 ပြိုင်ပွဲသို့ ဝင်ရောက်ယှဉ်ပြိုင်ခဲ့သည့် မြန်မာဂျူဒိုအသင်း ရွှေတံဆိပ် ၅ ခု၊ ငွေတံဆိပ် ၄ ခုနှင့် ကြေးတံဆိပ် ၃ ခု၊ စုစုပေါင်း ဆုတံဆိပ် ၁၂ ခု ဆွတ်ခူးရရှိ

နေပြည်တော်၊ ဧပြီ ၁၄

၂၀၂၅ ခုနှစ်၊ ဧပြီလ ၁၁ ရက်နေ့မှ ၁၃ ရက်နေ့အထိ မလေးရှားနိုင်ငံ၊ ပီနန်မြို့တွင် ကျင်းပပြုလုပ်ခဲ့သည့် PENANE INVITATIONAL JICA JUDO CHAMPIONSHIP 2025 ပြိုင်ပွဲသို့ မြန်မာဂျူဒိုအသင်း ဝင်ရောက်ယှဉ်ပြိုင်ခဲ့ရာ ၂၀၂၅ ခုနှစ်၊ ဧပြီလ ၁၂ ရက်နေ့ (ဂျူနီယာတန်း)ပြိုင်ပွဲ ပွဲစဉ်များအပြီး အသက် (၁၂)နှစ်အောက် -36 kg ပြိုင်ပွဲတွင် မြန်မာအသင်းမှ မအိချစ်ဆုစံက ရွှေတံဆိပ်ဆုကိုလည်းကောင်း၊ -38 kg ပြိုင်ပွဲတွင် မောင်မြတ်ဘုန်းခန့်က ကြေးတံဆိပ်ဆုကို လည်းကောင်း၊ အသက် (၁၀)နှစ်အောက် -24 kg ပြိုင်ပွဲတွင် မောင်သျှန်ကောင်းဆက်ပိုင်က ငွေတံဆိပ်ဆုကိုလည်းကောင်း၊ -28 kg ပြိုင်ပွဲတွင် မောင်ကောင်းကင်မင်းစစ်က ငွေတံဆိပ်ဆု ကိုလည်းကောင်း၊ -32 kg ပြိုင်ပွဲတွင် မောင်အောင်ဇေထက်က ငွေတံဆိပ်ဆုကိုလည်းကောင်း၊ -32 kg ပြိုင်ပွဲတွင် မခေတ်စံနန်းထွဋ်က ကြေးတံဆိပ်ဆုကိုလည်းကောင်း အသီးသီး ဆွတ်ခူးရရှိ ခဲ့သည်။

ဆက်လက်ပြီး ဧပြီလ ၁၃ ရက်နေ့ ဝိတ်တန်းများအလိုက် (စီနီယာတန်း)ပြိုင်ပွဲ ပွဲစဉ်များကို ယှဉ်ပြိုင်ကစားခဲ့ရာ -55 kg ပြိုင်ပွဲတွင် မြန်မာအသင်းမှ မောင်ထိုက်ထိုက်ကျော်က ရွှေတံဆိပ်ဆု ကိုလည်းကောင်း၊ -57 kg ပြိုင်ပွဲတွင် မပိုးအိအိလွင်က ရွှေတံဆိပ်ဆုကိုလည်းကောင်း၊ +70 kg ပြိုင်ပွဲတွင် မနန်းသဲနုနုစံ က ရွှေတံဆိပ်ဆုကိုလည်းကောင်း၊ -70 kg ပြိုင်ပွဲတွင် မယွန်းဝတီစိုးက ရွှေတံဆိပ်ဆုကိုလည်းကောင်း၊ -70 kg ပြိုင်ပွဲတွင် မဖြိုးရွှေဇင်ကျော်က ငွေတံဆိပ်ဆုကိုလည်းကောင်း၊ -81 kg ပြိုင်ပွဲတွင် မောင်သန့်ဇင်ဝင်းအောင်က ကြေးတံဆိပ်ဆုကိုလည်းကောင်း အသီးသီး ဆွတ်ခူး ရရှိခဲ့သည်။

၂၀၂၅ ခုနှစ်၊ ဧပြီလ ၁၁ ရက်နေ့မှ ၁၃ ရက်နေ့အထိ မလေးရှားနိုင်ငံ၊ ပီနန်မြို့တွင် ကျင်းပ ပြုလုပ်ခဲ့သည့် PENANE INVITATIONAL JICA JUDO CHAMPIONSHIP 2025 ပြိုင်ပွဲတွင် မြန်မာဂျူဒိုအသင်းမှ အုပ်ချုပ်သူ၊ နည်းပြ/ဒိုင် ၆ ဦးနှင့် ဂျူနီယာတန်းတွင် အသက်(၁၀)နှစ်အောက် ၄ ဦး၊ အသက်(၁၂)နှစ်အောက် ၂ ဦး၊ အသက်(၁၈)နှစ်အောက် ၁ ဦး၊ စီနီယာတန်းတွင် လူငယ်လေ့ကျင့်ရေးစခန်း(Youth Camp)မှ ၁ ဦး၊ ပဏာမလက်ရွေးစင် ၄ ဦး၊ အားကစားသမား ၁၂ ဦး စုစုပေါင်း ၁၈ ဦးတို့ဝင်ရောက် ယှဉ်ပြိုင်ခဲ့ရာ ပြိုင်ပွဲများအပြီးတွင် မြန်မာဂျူဒိုအသင်းအနေဖြင့် ရွှေတံဆိပ် ၅ ခု၊ ငွေတံဆိပ် ၄ ခုနှင့် ကြေးတံဆိပ် ၃ ခု၊ စုစုပေါင်း ဆုတံဆိပ် ၁၂ ခုတို့ကို မြန်မာနိုင်ငံအတွက် ထိုက်ထိုက်တန်တန် ဆွတ်ခူးရယူပေးနိုင်ခဲ့ကြောင်း သိရသည်။