၂၀၂၃ ခုနှစ်၊ ရှမ်းပြည်နယ် တောင်ကြီးမြို့ နွေရာသီအခြေခံအားကစားသင်တန်းများ ဖွင့်လှစ်နိုင်ရန် အကြိုညှိနှိုင်းအစည်း အဝေးပြုလုပ်
တောင်ကြီးမြို့၊ ဖေဖော်ဝါရီ (၁၄)ရက်။
အားကစားနှင့်လူငယ်ရေးရာဝန်ကြီးဌာန၊ ရှမ်းပြည်နယ်အားကစားနှင့်ကာယပညာဦးစီးဌာန၏ လမ်းညွှန်မှုများနှင့်အတူ တောင်ကြီးခရိုင် အားကစားနှင့်ကာယပညာဦးစီးဌာန ကြီးကြပ်မှုအောက်ရှိ တောင်ကြီးမြို့နယ် အားကစားနှင့်ကာယပညာဦးစီးဌာနတို့ ပူးပေါင်းဖွင့်လှစ်မည့် ၂၀၂၃ ခုနှစ်၊ ရှမ်းပြည်နယ် တောင်ကြီးမြို့ နွေရာသီအခြေခံအားကစားသင်တန်းများအား ကျန်းမာရေးဝန်ကြီးဌာန၏ ထုတ်ပြန်ထားသော အမိန့်များနှင့်အတူ ကိုဗစ်-၁၉ စည်းမျဉ်း/စည်းကမ်းများအတိုင်း ၁.၃.၂၀၂၃ ရက်နေ့မှ ၃၁.၃.၂၀၂၃ ရက်နေ့ထိ ဖွင့်လှစ်သွားနိုင်ရန် အကြိုညှိနှိုင်းအစည်းအဝေးကို ယနေ့နေ့လည် (၁:၀၀)နာရီအချိန်တွင် ခရိုင်အားကစားနှင့်ကာယပညာဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ရာ အဆိုပါအကြိုညှိနှိုင်းအစည်းအဝေးသို့ ခရိုင်အားကစားနှင့်ကာယပညာဦးစီးဌာန လက်ထောက်ညွှန်ကြားရေးမှူး ဒေါ်နော်မေရီမိုး၊ မြို့နယ်အားကစားနှင့်ကာယပညာဦးစီးဌာန တာဝန်ခံ ဦးစူးညီညီသိန်းဝင်းနှင့် အားကစားနည်းအလိုက်ဆပ်ကော်မတီ တာဝန်ခံသင်တန်းနည်းပြဆရာ/ဆရာမများမှ ခရိုင်နှင့်မြို့နယ်များမှ သင်တန်းများကို ကြီးကြပ်နိုင်ရန် ဝန်ထမ်းများ တက်ရောက်ခဲ့ကြပြီး အဆိုပါသင်တန်းတွင် ဖွင့်လှစ်သင်ကြားမည့်အားကစားနည်းများအနေဖြင့် ထပ်တိုးအားကစားနည်းများအပါအဝင် ( ၁။ ဘောလုံး ၊ ၂။ ဘော်လီဘော၊ ၃။ ဘတ်စကက်ဘော၊ ၄။ ပိုက်ကျော်ခြင်း၊ ၅။ ရိုးရာခြင်း ၊ ၆။ တိုက်ကွမ်ဒို၊ ၇။ ကရာတေးဒို(ရှိုတိုကန်) / (ကျို့ခ်ရှင်း)၊ ၈။ ဘိလိယက်/စနူကာ၊ ၉။ စားပွဲတင်တင်းနစ်၊ ၁၀။ တင်းနစ်၊ ၁၁။ အေရိုးဗစ် / Fitness Dance၊ ၁၂။ မြန်မာ့သိုင်း၊ ၁၃။ ကြက်တောင်၊ ၁၄။ ဂျူဒို ၊ ၁၅။ လက်ဝှေ့၊ ၁၆။ ပြေးခုန်ပစ်၊ ၁၇။ စစ်တုရင်၊ ၁၈။ ဝူရှူး) စုစုပေါင်း အားကစားနည်း (၁၈) နည်းဖြင့် ဖွင့်လှစ်သွားမည်ဖြစ်ကြောင်းနှင့် ရှေးဦးစွာ ခရိုင်လက်ထောက်ညွှန်ကြားရေးမှူးမှ အဖွင့်မိတ်ဆက်အမှာစကားပြောကြားခဲ့ပြီး သင်တန်းဖွင့်လှစ်ရခြင်းရည်ရွယ်ချက်များကို ယခင်အစည်းအဝေးပြောကြားခဲ့ပြီးဖြစ်ရာ ရှမ်းပြည်နယ်အတွင်းရှိအားကစားနှင့်ကာယပညာဦးစီးဌာနအနေဖြင့် အားကစားကဏ္ဍဘက်စုံဖွံ့ဖြိုးတိုးတက်စေရန်ရည်ရွယ်ပြီး ဖွင့်လှစ်ရခြင်းဖြစ်ကြောင်း၊ ယခုအစည်းအဝေးမှာ သင်တန်းအချိန်ဇယားညှိနှိုင်းဆွေးနွေးခြင်း၊ လူဦးရေကန့်သတ်ခြင်းများ၊ သင်တန်းစည်းမျဉ်း/စည်းကမ်းများနှင့် ထပ်တိုးအားကစားနည်းများကိုအချိန်ညှိနှိုင်းဖြည့်စွက်ခြင်းများနှင့် လုံခြုံရေးသတိများဖြင့်ဆောင်ရွက်သွားကြရန် အစရှိသည်များကိုပြောကြားသွားပါကြောင်း သိရှိရပါသည်။
ရုံးချိန်အတွင်းဆက်သွယ်စုံစမ်းနိုင်ရန်
ခရိုင်အား/ကာ ၀၈၁- ၂၀၁၄၉၁
မြို့နယ်အား/ကာ ၀၈၁ – ၂၁၂၄၈၆၉
