၂၀၂၃ ခုနှစ်၊ (၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌဖလား ပြည်နယ်နှင့်တိုင်းဒေသကြီး (အလွတ်တန်းဖိတ်ခေါ်) မြန်မာ့သိုင်းပြိုင်ပွဲ ပွဲစဉ်များ ကျင်းပ
နေပြည်တော်၊ ဒီဇင်ဘာ (၃၁)။
အားကစားနှင့်လူငယ်ရေးရာဝန်ကြီးဌာနမှ ကြီးမှူးကျင်းပသည့် ၂၀၂၃ခုနှစ်၊ (၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌဖလား ပြည်နယ်နှင့်တိုင်းဒေသကြီး(အလွတ်တန်းဖိတ်ခေါ်) မြန်မာ့သိုင်းပြိုင်ပွဲ ပွဲစဉ်များကို ယမန်နေ့နံနက်(၉)နာရီမှစတင်၍ နေပြည်တော် ဝဏ္ဏသိဒ္ဓိအားကစားရုံ(B)၌ ကျင်းပခဲ့သည်။
ဒီဇင်ဘာလ(၃၀)ရက်နေ့ မြန်မာ့သိုင်းပြိုင်ပွဲ ဓါးအတိုက်ပွဲစဉ်များအဖြစ် (၄၀-၄၅)ကီလို ဓါး(၁)လက် (အမျိုးသား/အမျိုးသမီး) ပြိုင်ပွဲ ၊ (၄၅-၅၀)ကီလို ဓါး(၁)လက်၊ ဓါး(၂)လက် (အမျိုးသား/အမျိုးသမီး)ပြိုင်ပွဲ၊ (၅၀-၅၅)ကီလို ဓါး(၁)လက်၊ ဓါး(၂)လက် (အမျိုးသား/အမျိုးသမီး)ပြိုင်ပွဲ၊ (၅၅-၆၀)ကီလို ဓါး(၂)လက် (အမျိုးသား) ပြိုင်ပွဲ၊ ဗန်တိုပွဲစဉ်များအဖြစ် (၄၅-၄၉)ကီလို (အမျိုးသား/အမျိုးသမီး)ပြိုင်ပွဲ၊ (၄၉-၅၃)ကီလို (အမျိုးသား/အမျိုးသမီး) ပြိုင်ပွဲ၊ (၅၃-၅၇)ကီလို(အမျိုးသား/အမျိုးသမီး)ပြိုင်ပွဲ၊ (၅၇-၆၁)ကီလို (အမျိုးသား/ အမျိုးသမီး)ပြိုင်ပွဲ၊ (၆၁-၆၅)ကီလို(အမျိုးသား/အမျိုးသမီး)ပြိုင်ပွဲ၊ (၆၅-၆၉)ကီလို(အမျိုးသား)ပြိုင်ပွဲများကို အသီးသီး ယှဉ်ပြိုင်ကစားခဲ့ကြသည်။
၂၀၂၃ခုနှစ်၊ ဇန်နဝါရီလ(၁)ရက်နေ့ နံနက်(၉)နာရီမှစတင်၍ ဝဏ္ဏသိဒ္ဓိအားကစားရုံ (B)၌ ပြည်နယ်နှင့်တိုင်းဒေသကြီး(အလွတ်တန်းဖိတ်ခေါ်) မြန်မာ့သိုင်းပြိုင်ပွဲ ဓါးအတိုက်နှင့် ဗန်တိုပြိုင်ပွဲ ပွဲစဉ်များ ဆက်လက်ကျင်းပသွားမည်ဖြစ်၍ အားကစားဝါသနာရှင်များအနေဖြင့် မည်သူမဆို အခမဲ့ လာရောက်ကြည့်ရှုအားပေးနိုင်ကြောင်း သိရသည်။
