အားကစားနှင့် လူငယ်ရေးရာဝန်ကြီးဌာန ဒုတိယဝန်ကြီး ဦးမျိုးလှိုင် နေပြည်တော်ဝဏ္ဏသိဒ္ဓိဘောလုံးကွင်းအတွင်းရှိ မြန်မာ့အားကစား လှုပ်ရှားဆောင်ရွက်မှုပြခန်း ပြင်ဆင်ဆောင်ရွက်နေမှု ကြည့်ရှုစစ်ဆေး
နေပြည်တော်၊ စက်တင်ဘာ (၂၄)ရက်။
အားကစားနှင့် လူငယ်ရေးရာဝန်ကြီးဌာန ဒုတိယဝန်ကြီး ဦးမျိုးလှိုင်သည် နေပြည်တော်ဝဏ္ဏသိဒ္ဓိဘောလုံးကွင်းအတွင်းရှိ နိုင်ငံတော်စီမံအုပ်ချုပ်ရေးကောင်စီ အစိုးရလက်ထက် မြန်မာ့အားကစား လှုပ်ရှားဆောင်ရွက်မှုပြခန်း ပြင်ဆင်ဆောင်ရွက်နေမှုအခြေအနေများအား လာရောက်ကြည့်ရှုစစ်ဆေးခဲ့ပါသည်။
အဆိုပါ ပြခန်းအတွင်း ပဏာမပြင်ဆင်ဆောင်ရွက်နေမှုများကို ဒုတိယဝန်ကြီးနှင့်အတူ အားကစားနှင့် ကာယပညာဦးစီးဌာန ညွှန်ကြားရေးမှူးချူပ် ဦးထွန်းမြင့်ဦး၊ ဒုတိယညွှန်ကြားရေးမှူးချုပ်များဖြစ်ကြသော ဦးကျော်ဆန်း၊ ဦးကျော်ဆန်းဦးနှင့် တာဝန်ရှိသူများလိုက်လံကြည့်ရှုစစ်ဆေးခဲ့ပါသည်။
