ရှမ်းပြည်နယ် ဘော်လီဘော League ကလပ်ပေါင်းစုံ အမျိုးသား ဘော်လီဘောပြိုင်ပွဲကျင်းပ
တောင်ကြီး၊ဖေဖော်ဝါရီ (၃ )ရက်။
အားကစားနှင့်လူငယ်ရေးရာဝန်ကြီးဌာန ရှမ်းပြည်နယ်အားကစားနှင့်ကာယပညာဦးစီးဌာနမှ ကျန်းမာရေးဝန်ကြီးဌာန၏ ထုတ်ပြန်ထားသော အမိန့်အမှတ်များနှင့်အညီ ရှမ်းပြည်နယ် အားကစားနှင့်ကာယပညာဦးစီးဌာနအနေဖြင့် တစ်မျိုးသားလုံးကျန်းမာကြံ့ခိုင်မှုရှိစေရေးနှင့် ရှမ်းပြည်နယ်အတွင်း မြန်မာ့ဘော်လီဘော အားကစားဖွံ့ဖြိုးတိုးတက်ရေးကို အဓိကထောက်ပံ့ပေးလျက် ထူးချွန်ထက်မြက်သော ဘော်လီဘောအားကစားသမားများ ပေါ်ထွက်လာစေရေး၊ ပြည်နယ်အတွင်း အရည်အချင်းမြင့်မားသော ဘော်လီဘောအားကစားအဆင့်အတန်း တိုးတက်မြင့်မားလာစေရန်တို့ကို ရည်ရွယ်ပြီး ” SHAN STATE VOLLEYBALL LEAGUE (2022)” ပြိုင်ပွဲကို ( ၁. ၂. ၂၀၂၂ )ရက်နေ့ နံနက် ( ၁၀:၃၀ )နာရီအချိန်တွင် ညောင်ရွှေမြို့နယ်အားကစားနှင့်ကာယပညာဦးစီးဌာနရှိ မိုးလုံလေလုံအားကစားရုံအတွင်း ကျင်းပပြုလုပ်လျက်ရှိကြောင်း သိရှိရပါသည်။
